’’ ناراض اراکین کیسے ووٹنگ کے لئے پہنچ گئے؟‘‘۔۔۔نواز شریف کااستفسار

لاہور(رم نیوز) وزیراعلیٰ پنجاب چودھری پرویز الٰہی کے اعتماد کے ووٹ لینے میں کامیاب ہونے پر ن لیگ کی قیادت صوبائی قیادت پر شدید برہم ہے۔ اس معاملے میں ن لیگ کے قائد میاں نواز شریف اورمریم نواز نے فوری رپورٹ طلب کی ہے اور اجلاس طلب کرنے کاکہا ہے۔نواز شریف نے استفسار کیا پارٹی قیادت کو آگاہ کیا گیا تھا پی ٹی آئی کے کم از کم 7 ناراض اراکین پی ڈی ایم سے رابطوں میں ہیں۔ ناراض اراکین کیسے ووٹنگ کے لئے پہنچ گئے اورانہیں مینیج کیوں نہیں کیا جا سکا۔

پارٹی ذرائع کے مطابق رانا ثناء اللہ نے نواز شریف اور مریم نواز کو معاملے پر ابتدائی رپورٹ پیش کرتے ہوئے مریم نواز کی فوری وطن واپسی کی تجویز دی۔ان کے مطابق مریم نواز فوری وطن واپس نہیں آتیں تو پارٹی کو نقصان ہو سکتا ہے۔