اسلام آباد(رم نیوز)ٹیلی نار کے وفد کی سربراہ ٹیلی نار ایشیا کے ڈپٹی ہیڈ مسٹر ہاکون بروسیٹ کجول اور ٹیلی نار پاکستان کے سی ای او خرم اشفاق نے وزیر مملکت برائے آئی ٹی اینڈ ٹیلی کام شزہ فاطمہ خواجہ سے ملاقات کی۔ اس ملاقات میں پاکستان بھر میں مالیاتی رسائی کو بڑھانے اور ڈیجیٹل شمولیت کو فروغ دینے کی اہمیت پر تبادلہ خیال کیا گیا۔

وزیرمملکت نے ڈیجیٹل اسلام آباد اقدام کی تبدیلی کی صلاحیت پر زور دیا، جس کا مقصد پاکستان کے ڈیجیٹل ماحولیاتی نظام کو ترقی دینے کے لیے حکومت کی زیر قیادت جامع حکمت عملی کے ذریعے ملک گیر ڈیجیٹلائزیشن کو آگے بڑھانا ہے۔