تہران (رم نیوز) ایرانی صدر کا ہیلی کاپٹر کہاں گرااس کے بارے میں ویڈیو سے پتہ چل گیا ہے۔ ایران کے صدر ابراہیم رئیسی کے ہیلی کاپٹر کو پیش آنے والے حادثے کے مقام کی ابتدائی فوٹیج سامنے آگئی ہے۔ایرانی صدر ابراہیم رئیسی کے ہیلی کاپٹر کو حادثہ تبریز شہر سے 100 کلو میٹر دور پیش آیا، حادثے کے وقت ہیلی کاپٹر میں ایران کے وزیر خارجہ حسین عامر عبد الہیان، گورنر تبریز اور ایران کے سپریم لیڈر آیت اللہ علی خامنہ ای کے ترجمان سمیت دیگر اعلیٰ حکام بھی سوار تھے۔

غیر ملکی خبر ایجنسی نے ایرانی صدر کے ہیلی کاپٹر کو پیش آنے والے حادثے کے مقام کی فوٹیج بھی جاری کر دی ہے جس میں ہیلی کاپٹر کو دیزمر کے جنگلات میں تباہ حالت میں دیکھا جا سکتا ہے۔ایرانی میڈیا کے مطابق صدر ابراہیم رئیسی کے ہیلی کاپٹر کریش ہونے کے مقام پر ہیلی کاپٹر کا ملبہ مل گیا ہے اور ریسکیو ٹیمیں جائے حادثہ تک پہنچ گئی ہیں۔