کراچی(رم نیوز)سپریم کورٹ کراچی رجسٹری نے دعا زہرا کے والد مہدی کاظمی کی دائر درخواست پر فیصلہ محفوظ کرلیاہے۔مہدی کاظمی کی جانب سے سپریم کورٹ کراچی رجسٹری میں دائر درخواست پر جسٹس سجاد علی شاہ نے سماعت کی۔جسٹس سجاد علی شاہ نے ریمارکس دیئے کہ آپ کی درخواست پر آج ہی کوئی فیصلہ جاری کریں گے۔عدالت عظمیٰ نے درخواست گزار کے وکیل کے دلائل سن کر فیصلہ محفوظ کرلیاہے۔عدالت نے درخواست گزار سے سماعت کے دوران استفسار کیا کہ دعا زہرا کی والدین سے ملاقات کرائی گئی تھی ؟والد مہدی کاظمی نے جواب میں بتایا کہ 5 منٹ کے لیے پولیس کی موجودگی میں چیمبر میں ملاقات ہوئی۔جسٹس محمد علی مظہر نے استفسار کیا کہ آپ نے میڈیکل کو چیلنج کیا ہے؟جسٹس سجاد علی شاہ نے ریمارکس دیئے کہ میڈیکل عدالت کے حکم پر ہوا ہے میڈیکل بورڈ بنا تھا۔