اسلام آباد(رم نیوز)الیکشن کمیشن نےق لیگ کےانٹراپارٹی انتخابات روک دیئے۔ الیکشن کمیشن نےمزیدسماعت 16اگست تک ملتوی کردی ہے۔ چودھری شجاعت کے وکیل عمر اسلم کےالیکشن کمیشن میں دلائل دیے۔انہوں نے کہا پارٹی کی سینٹرل ورکنگ کمیٹی کے اجلاس میں پارٹی صدر اور سیکریٹری جنرل کو ہٹایا گیا۔

سی ڈبلیو سی اجلاس سے متعلق پنجاب کے سیکریٹری کامل علی آغا نے لیٹر جاری کیا۔ضابطہ کے تحت الیکشن کمیشن کو ایسی کسی تبدیلی سے آگاہ نہیں کیا گیا۔سینٹرل ورکنگ کمیٹی کا طریقہ کار پارٹی آئین کے آرٹیکل 43 میں درج ہے۔کمیٹی میں50 ارکان پارٹی صدر کے نامزد کردہ ہوتے ہیں۔اس پر الیکشن کمیشن نے کہا ہم دیگر فریقین کو نوٹسز جاری کر رہے ہیں، سٹیٹس کو برقرار رہے گا۔