نائلہ کیانی کے نام ایک اور اعزاز

اسلام آباد(رم نیوز)پاکستان کی خاتون کوہ پیمانائلہ 8 ہزار میٹر سے بلند تین چوٹیاں سر کرنے والی پہلی پاکستانی خاتون بن گئی ہیں۔ نائلہ کیانی نے اس سے قبل گیارہوں بلند ترین چوٹی گیشربرم ون کو سر کیا تھا۔گیشربرم ون سے قبل نائلہ کیانی گیشربرم ٹو اور کے ٹو کو بھی سر کرچکی ہیں۔وہ پہلی کوشش میں 8 ہزار میٹر سے زیادہ بلندی والی 3 چوٹیاں سر کرنے والی پہلی پاکستانی ہیں، انہوں نے یہ اعزاز آج حاصل کیاہے۔

نائلہ کیانی پیشے کے لحاظ سے ایک بینکر اور کوہ پیمائی کی شوقین ہیں نے کہا یہ میری زندگی میں ہونے والے مشکل کاموں میں سے ایک تھا۔نائلہ کیانی نے مہم جوئی کی کامیابی پر بارڈ فاؤنڈیشن کے تعاون کا شکریہ ادا کیا۔وہ جس گروپ میں تھی اس میں 6 پاکستانی کوہ پیما سرباز خان، شہروز کاشف، ساجد سدپارہ، سہیل سخی اور امتیاز سدپارہ شامل تھے۔