عابد علی۔۔۔فن اوراداکا ری سے ہمیشہ پرستاروں کے دلوں میں زندہ رہیں گے

کراچی (رم نیوز)پاکستان ڈرامہ انڈسٹری کے لیجنڈ اداکار اور ہدایت کار عابد علی کو مداحوں سے بچھڑے 3 برس بیت گئےہیں۔وہ 1952 میں پیدا ہوئے ۔انہوں نے ریڈیو پاکستان سےاپنے فنی کیریئر کا آغاز کیا بعدازاں 1973 میں پی ٹی وی سے منسلک ہو کر جھوک سیال میں اداکاری کے جوہر دکھائے۔انہیں ڈرامہ وارث سے خاصی شہرت حاصل ہوئی۔ ان کے ڈراموں میں پیاس، دوریاں، مہندی، دیار دل اور دیگر شامل ہیں۔

انہوں نے 1993 میں ڈرامہ سیریل دشت سے ہدایت کاری کا آغاز کیا۔ان کی فنی خدمات کے پر انہیں1985ء میں پرائڈ آف پرفارمنس سمیت متعدد ایوارڈز سے بھی نوازا گیاتھا۔انہوں نے دو شادیاں کی تھیں۔ ان کی پہلی بیوی کا نام حمیرا علی ہے ان سے ان کی تین بیٹیاں ایمان، راحمہ اور مریم علی ہیں جبکہ عابد علی نے اداکارہ رابعہ نورین سے 2006 میں دوسری شادی کی تھی۔وہ 5 ستمبر کو خالق حقیقی سے جا ملے لیکن اپنی اداکا ری اورفن کی وجہ سے ہمیشہ پرستاروں کے دلوں میں زندہ رہیں گے۔