کراچی(رم نیوز) پہلے ٹی ٹوینٹی میں انگلش ٹیم نے شاہینوںکو شکست دے دی ہے۔انگلینڈ نے پاکستان کو چھ وکٹوں سے شکست دی۔انگلینڈ کرکٹ ٹیم کے کپتان معین علی نے ٹاس جیت کر قومی ٹیم کے کپتان بابر اعظم کو پہلے بیٹنگ کی دعوت دی۔ قومی ٹیم کی طرف سے بیٹنگ کا آغاز بابر اعظم اور محمد رضوان نے کیا۔85 رنز کی پارٹنر شپ کا خاتمہ عادل راشد کی گیند پر ہوا جب بابر اعظم 31 سکور بنا کر بولڈ ہوگئے۔ محمد رضوان نے اپنے کیریئر کی 17 ویں نصف سنچری مکمل کی ۔ 109 کے مجموعی سکور پر حیدر علی 13 گیندوں پر 11 رنز بنائے۔محمد رضوان نے 46 گیندوں پر 2 چھکوں اور 6 چوکوں کی مدد سے 68 سکور کیا۔ شان مسعود کو عادل راشد نے آئوٹ کیا۔محمد نواز 5 گیندوں پر چار رنز بنا کرآئوٹ ہوگئے۔ افتخار احمد نے 28 رنز بنا کر آؤٹ ہوئے، نسیم شاہ صفر پر پویلین لوٹ گئے۔ ٹیم نے مقررہ اوورز میں 7 وکٹوں کے نقصان پر 158 رنز بنائے، لوک ووڈ نے تین، عادل راشد نے 2 وکٹیں حاصل کیں۔

دئے گئے ٹارگٹ کو حاصل کرنے کے لئے ایلکس ہیلز اور فِل سالٹ میدان میں اترے ۔ شاہنواز دھانی نے فل سالٹ کو آئوٹ کردیا، ڈیوڈ مالان اور ہیلز نے سکور کو آگے بڑھایا۔ڈیوڈ مالان عثمان قادر کی گیند پر آؤٹ ہو گئے، گیارہ اوورز میں ایک مرتبہ پھر لیگ سپنر نے بین ڈکٹ کو ایل بی ڈبلیو کیا۔ ایلکس ہیلز 40 گیندوں پر53 رنز بنا کر حارث رؤف کی گیند پر آئوٹ ہوئے۔انگلینڈ نے ہدف آخری اوور میں پورا کیا۔ ہیری بروک 42 رنز، کپتان معین علی 6 رنز بنا کر ناٹ آؤٹ رہے۔ قومی ٹیم کی طرف سے عثمان قادر نے دو، حارث رؤف اور شاہنواز دھانی نے ایک ایک وکٹ حاصل کی۔