یوٹیوب شارٹ ویڈیوز بنانے والوں کے لیے خوشخبری

کیلیفورنیا(رم نیوز) یوٹیوب نے’ٹک ٹاک‘ کے ساتھ اپنے مقابلے کی وجہ سے شارٹ ویڈیوز بنانے والوں کو ادائیگیوں کی نئی پالیسی کا اعلان کیا ہے۔یو ٹیوب ’شارٹس‘ پر اشتہارات متعارف کرا رہی ہے جن کی آمدن کا 45 فیصد ویڈیو بنانے والوں کے لئے ہوگا۔ یوٹیوب پہلے ہی سے کری ایٹرز کو آمدن کا 55 فیصد ادا کر رہی ہے جبکہ مقبول ترین شارٹ ویڈیو اپیلیکشن ٹک ٹاک نے ویڈیوز بنانے والوں کے لیے ماہانہ ایک ارب ڈالرز کا بجٹ مختص کیا ہے۔یوٹیوب اور ٹک ٹاک کا مقابلہ زبردست ہے۔ یوٹیوب نے 2021 کے آخر میں 60 سیکنڈز دورانیے کی ویڈیو کے لیے ’شارٹس‘ کا فیچر متعارف کرایا تھا جس کے ناظرین کی تعداد اب ماہانہ ڈیڑھ ارب تک پہنچ چکی ہے۔