اسلام آباد(رم نیوز) وزیر اعظم شہباز شریف کی صدارت میں وفاقی کابینہ کا اجلاس آج ہو گا۔کابینہ 5 نکاتی ایجنڈے پر غور کرے گی۔ اجلاس میں حالیہ بجلی کے طویل بریک ڈاؤن پر پاور ڈویژن کی رپورٹ پیش کی جائے گی۔ ملک میں بجلی کی چوری اور لائن لاسز پر کابینہ کو بریف کیاجائے گا۔
اجلاس میں توانائی بچت پلان پر عملدرآمد متعلق کابینہ کو آگاہ کیا جائے گا۔ دفتری اوقات کے بعد کمرشل ایریاز میں بجلی کے نرخ دگنا کرنے کی تجویز پر بھی غور ہو گا۔نیشنل کلین ایئر پالیسی بھی ایجنڈا میں شامل ہے۔ اجلاس میں نیشنل یونیورسٹی آف پاکستان کے ڈرافٹ بل پر کابینہ کمیٹی برائے قانون سازی کے فیصلوں کی توثیق لی جائے گی۔
