اسلام آباد(رم نیوز)ڈسٹرکٹ اینڈ سیشن کورٹ اسلام آباد میں شیخ رشید کےخلاف آصف زرداری پر عمران خان کے قتل کی سازش کے الزامات سے متعلق کیس کی سماعت ہوئی۔شیخ رشید نے جوڈیشل مجسٹریٹ عمرشبیر کی عدالت میں طبی بنیادوں پر حاضری سے استثنیٰ کی درخواست دائرکی۔ موقف اختیار کیا گیا طبیعت ناساز ہے، ڈاکٹروں نے آرام کا مشورہ دیاہے، شیخ رشید آج عدالت میں پیش نہیں ہوسکتے۔ حاضری سے استثنیٰ دیا جائے، شیخ رشید کی میڈیکل رپورٹ بھی درخواست کے ساتھ منسلک کی گئی تھی۔

عدالت نے شیخ رشیدکی طبی بنیادوں پر آج حاضری سے استثنیٰ کی درخواست منظور کی اور فرد جرم عائدکرنےکی تاریخ 21 مارچ مقرر کردی ہے۔واضح رہے شیخ رشید پر آج فرد جرم عائد ہونا تھی۔ عدالت کی طرف سے حاضری یقینی بنانےکا حکم دیا گیا تھا۔