راولپنڈی(رم نیوز)پی ایس ایل8 کےمیچ میں پشاور زلمی نے کراچی کنگز کو 24 رنز سے شکست دے دی۔ زلمی کے 198 رنز کے ٹارگٹ کے جواب میںکراچی کنگز کی ٹیم مقررہ 20 اووروں میں 8 وکٹوں کے نقصان پر 173 رنز بنا سکی۔ کراچی کنگز کی طرف سے عماد وسیم 57 رنز ،میتھیو ویڈ 53 رنز ، ایڈم روزنگٹن 15 ، طیب طاہر 6 اور عرفان خان 4، شعیب ملک 1، بین کٹنگ 15، عامر یامین 8 اور تبریز شمسی زیرو ، عاکف جاوید 7 رنز بناکر ناٹ آؤٹ رہے۔

پشاور زلمی کی طرف سے عامر جمال اور عظمت اللہ نے 3،3 جبکہ مجیب الرحمان نے 2 وکٹیں حاصل کیں۔ زلمی نےکراچی کنگز کو جیت کے لیے 198 رنز کا ہدف دیا تھا۔ پشاور زلمی نے مقررہ 20 اووروں میں 5 وکٹ پر 197 رنز بنائے تھے۔ محمد حارث اور کپتان بابر اعظم بغیر کوئی رن بنائے پویلین واپس لوٹے، صائم ایوب ایک رن بنا کر آؤٹ ہوئے۔زلمی کی طرف سے حسیب اللہ خان 29 گیندوں پر 50 رنز بنا سکے ، روومین پاؤل نے 64 رنز ، ٹام کوہلر نے ناٹ آؤٹ 56 رنزبنائے۔ کراچی کنگز کے محمد عامر نے 4 وکٹیں حاصل کیں۔