آڈیو لیکس ۔۔۔درخواستوں پر سماعت آج

اسلام آباد(رم نیوز) سپریم کورٹ میں آج آڈیو لیکس کمیشن کے خلاف دائر درخواستوں پر سماعت ہوگی ۔چیف جسٹس پاکستان عمر عطا بندیال کی سربراہی میں لارجر بنچ آج درخواستوں پر سماعت کرے گا۔

صدر سپریم کورٹ بار اور دیگر نے آڈیو لیکس کمیشن کا طلبی کا نوٹس چیلنج کیاتھا اور سپریم کورٹ سے آڈیو لیکس انکوائری کمیشن کی کارروائی اور احکامات کو غیر آئینی، غیر قانونی قرار دینے کی استدعا کی تھی۔

کمیشن کی طرف سے سابق چیف جسٹس ثاقب نثار کے بیٹے نجم ثاقب، صدر سپریم کورٹ بار عابد زبیری، سینئر ایڈووکیٹ طارق رحیم اور مبینہ آڈیوز میں سینئر وکیل سے گفتگو کرنے والے صحافی کو طلب کیا گیا ہے۔