" پاکستانی حکام سے کہا ہے خدیجہ شاہ کو کونسلر رسائی دی جائے"

واشنگٹن(رم نیوز ) امریکا نے ایک بار پھر پاکستان میں رجیم چینج کے بیانیے کو مسترد کر دیا ہے۔ امريکی محکمہ خارجہ کے نائب ترجمان ویدانت پٹيل نے پریس کانفرنس کرتے ہوئے کہا امریکی سازش سے متعلق الزامات جھوٹے ہیں ۔ پاکستانی سیاست سے متعلق فیصلے وہاں کے عوام نے اپنے آئین کے مطابق کرنے ہیں۔

ان کامزید کہناتھا کہ پاکستان کے ساتھ امریکہ کے تعلقات دیرینہ تعاون پر مبنی ہیں۔ امریکہ نے ہمیشہ خوشحال اورجمہوری پاکستان کوامریکی مفادات کیلئے اہم سمجھا ہے۔

ویدانت پٹیل کاکہنا تھا کہ خدیجہ شاہ کے کیس کو فالو کر رہے ہیں، پاکستانی حکام سے کہا ہے خدیجہ شاہ کو کونسلر رسائی دی جائے۔ دوسرے ممالک سے کہا ہے گرفتارامریکیوں کیلئے طریقہ کار کو سامنے رکھیں۔