کراچی(رم نیوز) ماڈل واداکارہ نادیہ حسین کاکہنا ہے کہ اگر کوئی میرے خلاف بات کرے گا تو میں بھی اسے اسی لہجے میں جواب دوں گی۔نادیہ حسین نے ایک پوڈ کاسٹ کو انٹرویو میں کہاکہ اگر کوئی میرے خلاف بات کرے گا تو میں بھی اسے اسی لہجے میں جواب دوں گی۔انہوں نے اس انٹرویو میں ٹرولنگ پربھی بات کی۔ ٹرولنگ پر بات کرتے ہوئے انہوں نے کہاکہ لوگوں کے پاس ٹیکنالوجی آگئی ہے لیکن اسے استعمال کرنے کی تمیز اور عقل نہیں آئی، اگر کوئی میرے خلاف بات کرے گا تو میں بھی اسے اسی لہجے میں جواب دوں گی۔

انہوں نے کہا کہ جو لوگ میرے اکاؤنٹ میں آکر مجھے تنقید کا نشانہ بناتے ہیں میں انہیں ہرگز برداشت نہیں کرسکتی، میں بھی انہیں اسی لہجے میں جواب دینے کا حق رکھتی ہوں۔ان کاکہنا تھا کہ اگر کسی نے میرے بچے پر بھی منفی کمنٹ کیا ہے تو میں اسے جواب دوں گی، مجھے اپنے بچوں کو بتانا ہے کہ چاہے کوئی بھی ان کے خلاف بات کرے گا تو میں لڑوں گی۔

انہوں نے کہا کہ جہاں آپ کو لگتا کہ آپ ٹھیک ہیں وہاں آپ کو بولنا چاہیے، یہ دنیا معاف کرنے والی نہیں ہے۔ آپ کو پلٹ کر جواب دینا آنا چاہیے۔نادیہ حسین نے کہا کہ ہماری عوام میں 70 فیصد لوگ منفی سوچتے ہیں اس کی وجہ حسد اور نفرت ہے، ایسے لوگ سوچتے ہیں کہ جو ان کے پاس نہیں ہے وہ چاہتے ہیں کہ دوسروں کے پاس بھی وہ چیز نہ ہو۔ہماری قوم میں منفی سوچنا فطرت بن گئی ہے، ان کاکہنا تھا کہ لوگ منفی باتیں لکھنے میں وقت ضائع کرتے ہیں۔