پشاور(رم نیوز)خیبرپختونخوا کی خاتون پولیس افسرنے ایک عالمی اعزاز اپنے نام کیا ہے۔ خیبرپختونخوا کی خاتون پولیس افسر سونیا شمروز نے عالمی ایوارڈ اپنے نام کر لیا ہے۔
میڈیا رپورٹس کے مطابق سونیا شمروز کو نیوزی لینڈ کے شہر آکلینڈ میں منعقدہ انٹرنیشنل ویمن ان پولیسنگ کانفرنس 2023 میں پولیس آفیسر آف دی ایئر کا ایوارڈ دیا گیا۔سونیا شمروز ڈی پی او بٹگرام اور ڈی پی او چترال کے عہدوں پر فرائض انجام دے چکی ہیں۔
چترال میں تعیناتی کے دوران انہوں نے خواتین پر تشدد کے لیے خصوصی ڈیسک قائم کی تھی جس کے لیے انہیں عالمی سطح پر سراہا گیا تھا۔
