لاہور(رم نیوز)ورلڈ کپ2023 کے لیے پاکستان سکواڈ کا اعلان آج ہوگا۔پی سی بی کی جانب سے مشاورت مکمل کر لی گئی ہے۔ آئی سی سی ورلڈ کپ 2023 کے لیے قومی سکواڈ کا اعلان آج کیا جائے گا۔پی سی بی ذرائع کے مطابق قومی ٹیم کا حتمی اعلان آج صبح 11 بج کر 15 منٹ پر چیف سلیکٹر انضمام الحق پریس کانفرنس کے دوران کریں گے۔ قومی سکواڈ کا اعلان گزشتہ روز ہونا تھا جو کچھ وجوہات کی وجہ سے نہیں ہو سکا۔

ذرائع کے مطابق قومی کرکٹ ٹیم آئی سی سی ورلڈ کپ میں شرکت کے لیے 27 ستمبر کو بھارت کے لیے روانہ ہو گی اور قومی کرکٹ ٹیم کا پہلا وارم اپ میچ 29 ستمبر کو نیوزی لینڈ کے خلاف کھیلا جائے گا۔قومی کرکٹ ٹیم کا دستہ 15 کھلاڑیوں پر مشتمل ہو گا جس میں 3 کھلاڑی بطور ریزرو ٹیم کے ساتھ سفر کریں گے۔