محمد حفیظ کا بڑا اعلان۔۔۔۔ٹیکنیکل کمیٹی سے مستعفی

لاہور(رم نیوز)محمد حفیظ نے بڑا علان کیا ہے اور ٹیکنیکل کمیٹی سے مستعفی ہوگئے ہیں۔کرکٹ ورلڈ کپ 2023 کے سکواڈ کے اعلان سے قبل قومی ٹیم کے سابق کپتان محمد حفیظ نے پی سی بی کی ٹیکنیکل کمیٹی سے مستعفی ہونے کا اعلان کیا ہے۔پاکستان کرکٹ کمیٹی کے اعزازی ممبر کے طور پر خدمات انجام دینے والے محمد حفیظ نے سماجی پلیٹ فارم ایکس پر بورڈ کی انتظامی کمیٹی کے چیئرمین ذکا اشرف کا شکریہ اور پاکستان کرکٹ ٹیم کے لیے نیک خواہشات کا اظہار کیا۔

محمد حفیظ دو ماہ سے بھی کم عرصے تک کمیٹی کا حصہ رہے، وہ گزشتہ روز ذکا اشرف کی زیر صدارت ہونے والے مینجمنٹ اجلاس کا بھی حصہ تھے جہاں ایشیا کپ 2023 میں پاکستان کرکٹ ٹیم کی کارکردگی کا جائزہ لیا گیا۔

بعدازاں گزشتہ روز ہی محمد حفیظ نے سماجی پلیٹ فارم ایکس پر اعلان کیا کہ ’میں نے پاکستان کرکٹ بورڈ کی ٹیکنیکل کمیٹی سے الگ ہونے کا فیصلہ کیا ہے، میں اعزازی رکن کے طور پر کام کر رہا تھا۔ میں چیئرمین پی سی بی مینجمنٹ کمیٹی ذکاء اشرف کا شکریہ ادا کرتا ہوں جنہوں نے مجھے موقع دیا۔