انقرہ(رم نیوز) ترکیہ کا کارگو بحری جہاز لاپتہ ہوگیا۔ ترکیہ کا بحری جہاز بحیرہ اسود میں لاپتہ ہوگیاہے۔ ترک حکام کے مطابق کارگو جہاز کا بحیرہ اسود میں آنے والے طوفان میں پھنسنے کے بعد رابطہ منقطع ہو گیا تھا۔ لاپتہ ہونے والے جہاز پر کپتان سمیت عملے کے 12 افراد سوار تھے۔

حکام کا مزید کہنا تھا کہ جہاز کے کپتان نے بتایا تھا کہ جہاز ترکیہ کے شمال مغربی صوبے زونگلوداک کی حدود میں ایرگلی کے پانیوں سے گزر رہا ہے۔سمندری طوفان کے باعث لاپتہ جہاز کی تلاش کیلئے ریسکیو کشتیاں روانہ کرنے میں مشکلات کا سامنا ہے۔ تیز ہوائوں کے باعث ہیلی کاپٹروں کے ذریعے بھی تلاش شروع نہیں کی جاسکی۔

حکام کے مطابق تمام تیاریاں مکمل ہیں اور موسم بہتر ہوتے ہی لاپتہ جہاز کی تلاش کے لیے ریسکیو کام شروع کرنے کیلئے تمام تیاریاں مکمل ہیں۔