ڈھاکہ(رم نیوز)شکیب الحسن کی سیاست میں انٹری پکی ہوگئی۔ سیاسی جماعت نے بھی 7 جنوی کو انتخابات میں حصہ لینے کی تصدیق کردی ہے۔ بنگلا دیش کی حکمران جماعت عوامی لیگ نے کرکٹ ٹیم کے کپتان شکیب الحسن کے الیکشن لڑنے کی تصدیق کر دی ہے۔ عوامی لیگ نے شکیب الحسن کی نامزدگی کی تصدیق کی ہے، کرکٹر آئندہ برس 7 جنوری کو عام انتخابات میں حصہ لیں گے۔

مقامی میڈیا کے مطابق شکیب الحسن اپنے آبائی ضلع ماگورا ون کے حلقے سے الیکشن لڑیں گے، ان کی کرکٹ میں واپسی کا ابھی نہیں بتایا گیا۔واضح رہے کہ شکیب الحسن کی ورلڈ کپ میں سری لنکا کے خلاف میچ میں انگلی زخمی ہو گئی تھی۔نیوزی لینڈ کے خلاف 2 ہوم ٹیسٹ میچز کی سیریز کے بعد بنگلا دیش نے نیوزی لینڈ کا دورہ کرنا ہے۔شکیب کے کرکٹ کے میدان میں واپسی کا کچھ نہیں کہا جاسکتا البتہ سیاسی میدان میں انٹر ی کی تصدیق ہوگئی ہے۔