لاہور(رم نیوز)قومی ٹیسٹ ٹیم کے کپتان شان مسعود کاکہنا ہےکہ خواہش تھی کہ حارث رؤف دورہ آسٹریلیا میں ساتھ ہوتے، جو دستیاب فاسٹ باؤلر ہیں ان کے بہترین استعمال کی کوشش کریں گے، بابراعظم ہمارے بہترین بلے باز ہیں ان کی بیٹنگ پوزیشن کو نہیں چھیڑیں گے۔
قومی ٹیسٹ ٹیم کے کپتان شان مسعود نے پریس کانفرنس میں کہاکہ خواہش تھی کہ حارث رؤف دورہ آسٹریلیا میں ساتھ ہوتے، جو دستیاب فاسٹ باؤلر ہیں ان کے بہترین استعمال کی کوشش کریں گے، بابراعظم ہمارے بہترین بلے باز ہیں ان کی بیٹنگ پوزیشن کو نہیں چھیڑیں گے۔
کوشش ہوگی دورہ آسٹریلیا سے پاکستان کیلئے اچھا رزلٹ لائیں۔ کوشش ہوگی آسٹریلیا سیریز میں اچھی کارکردگی کا مظاہرہ کریں، جس طرح کی ٹیم چاہتے تھے ویسی ہی آسٹریلیا جا رہی ہے، دورہ آسٹریلیا ہمارے لیے ایک چیلنج ہو گا، مشکل وقت میں سابق کپتانوں سے مشورہ لوں گا۔
بابراعظم ہمارے بہترین بلے باز ہیں ان کی بیٹنگ پوزیشن کو نہیں چھیڑیں گے، پوری ٹیم ذمہ داری لے گی تو اچھے نتائج آئیں گے۔انہوں نے کہا کہ ایسا نہیں کہ یہ ایک نئی ٹیم بنی ہے، امام الحق اور عبداللہ شفیق نے پاکستان کیلئے کافی پرفارمنسز دی ہوئی ہیں، شاہین، بابر اعظم، محمد رضوان اور سرفراز احمد نے دباؤ کے باوجود اچھی پرفارمنسز دی ہوئی ہیں، اس ٹیم میں کوئی ایک لیڈر نہیں، ہماری کوشش ہوگی ٹیم میں ہر پلیئر ایک لیڈر کے طور پر کھیلے۔
قومی ٹیم کے کپتان نے کہا کہ راولپنڈی کرکٹ سٹیڈیم کی پچ میں باؤنس ہوتا ہے، ہر جگہ وکٹ کی کنڈیشنز مختلف ہوتی ہیں، ہم پاکستان کو آسٹریلیا نہیں بناسکتے، تنقید تو ہوتی ہے اور ضرور ہو گی، دورہ آسٹریلیا کی کارکردگی کو ہم قبول کریں گے۔ دروازے سب پلیئرز کیلئے کھلے ہوئے ہیں، جو پلیئر ڈومیسٹک کرکٹ میں پرفارمنس دے گا وہ ضرور ٹیم میں آئے گا، میں نے ہمیشہ کوشش کی جہاں سلیکٹ نہیں ہوا وہاں کوشش کروں اور واپس آؤں۔
