لاہور(رم نیوز)سموگ کا سلسلہ نہ رک سکا۔ لاہور دنیا کے آلودہ ترین شہروں میں آج بھی پہلے نمبر پر ہے۔لاہور اور اس کے گرد و نواح میں سموگ کا سلسلہ جاری ہے۔

ایئر کوالٹی انڈیکس کے مطابق لاہور کی فضا کا معیار آج بھی انتہائی خطرناک حد تک مضرصحت ہے، یہاں کی فضا میں آلودگی 250 پرٹیکیولیٹ میٹرز ریکارڈ کی گئی ہے۔عالمی ویب سائٹ کے مطابق کراچی کا فضائی معیار بھی مضرِ صحت ہے۔

کراچی دنیا بھر کے آلودہ ترین شہروں کی فہرست میں آج پانچویں نمبر پر ہے جس کی فضا میں آلودگی 171 پرٹیکیولیٹ میٹرز ریکارڈ کی گئی ہے۔دنیا کے آلودہ ترین شہروں میں بھارتی دارالحکومت دہلی آج دوسرے نمبر پر ہے، دہلی کی فضا کا معیار بھی انتہائی مضر ہے جبکہ اس کی فضا میں آلودگی 203 پرٹیکیولیٹ میٹرز ریکارڈ کی گئی ہے۔

ایئر کوالٹی انڈیکس کے مطابق 151 سے 200 درجے تک آلودگی مضر صحت ہے،201 سے 300 درجے تک آلودگی انتہائی مضر صحت ہے جبکہ301 سے زائد درجہ خطرناک آلودگی کو ظاہر کرتا ہے۔