کیلیفورنیا(رم نیوز)سپاٹی فائی نے1500 ملازمین نکالنے کا اعلان کیا ہے۔ ملازمت سے نکالے جانے والے افراد 5 ماہ تک تنخواہ، ہیلتھ انشورنس اور چھٹیوں کا معاوضہ بھی حاصل کر سکیں گے۔میوزک سٹریمنگ ملٹی نیشنل کمپنی "سپاٹی فائی" نے دنیا بھر سے اپنے 1500 ملازمین کو فوری ملازمت سے نکالنے کا اعلان کیا ہے۔کمپنی نے اعلان کیا ہے کہ ملازمت سے نکالے جانے والے افراد 5 ماہ تک تنخواہ، ہیلتھ انشورنس اور اپنی رہ جانے والی تمام چھٹیوں کا معاوضہ بھی حاصل کر سکیں گے۔

سپاٹی فائی کے چیف ایگزیکٹو آفیسر نے ملازمین کو لکھے گئے خط میں بتایا کہ دنیا بھر سے کمپنی اپنے 17 فیصد سٹاف کو کم کر رہی ہے۔رپورٹ میں بتایا گیا کہ ملازمین کو نکالنے کا آغاز جنوری 2024 سے ہو جائے گا اور پہلے مرحلے میں 600 ملازمین کو فارغ کیا جائے گا جبکہ سال بھر میں مجموعی طور پر 1500 ملازمین کو برطرف کیا جائے گا۔ جاری بیان کے مطابق برطرف ہونے والے ملازمین کو 5 ماہ تک تنخواہ، ہیلتھ انشورنس، چھٹیوں کے پیسے، امیگریشن سے متعلق معاونت سمیت دیگر سہولیات دی جاتی رہیں گی، یعنی جس ملازم کو جس ماہ نوکری سے نکالا جائے گا، اس کے اگلے 5 ماہ تک اسے تنخواہ اور دیگر مراعتیں دی جاتی رہیں گی۔

انہوں نے ملازمین کے کام اور محنت کی تعریفیں کرتے ہوئے لکھا کہ ان کی انتھک محنت اور کاوشوں کی وجہ سے ہی کمپنی کے سبسکرائبرز کی تعداد نصف ارب تک جا پہنچی ہے اور پلیٹ فارم پر ہزاروں گلوکار و آرٹسٹ پرفارمنس کر رہے ہیں۔کمپنی کے مطابق مالی اخراجات بڑھ جانے کی وجہ سے ملازمین کو برطرف کیا جا رہا ہے۔