کراچی(رم نیوز)سابق وزیر خزانہ مفتاح اسماعیل کاکہنا ہے کہ ن لیگ کے تمام عہدوں سے استعفیٰ دے چکا ہوں۔ الیکٹورل پروسیس اور سیاست سے دور ہوگیا ہوں، معیشت سے متعلق پڑھتا ہوں اور کاروبار کرتا ہوں۔سابق وزیر خزانہ مفتاح اسماعیل نے نجی ٹی وی پر بات کرتے ہوئے کہاکہ ن لیگ کے تمام عہدوں سے استعفیٰ دے چکا ہوں۔ الیکٹورل پروسیس اور سیاست سے دور ہوگیا ہوں، معیشت سے متعلق پڑھتا ہوں اور کاروبار کرتا ہوں۔کوئی نہیں بتا رہا کہ ملک کے مسائل کیسے حل ہوں گے؟۔
تمام لیڈرز قابل ہیں، لیکن پلان تو بتانا چاہیے۔ان کا کہنا تھا کہ ابھی فی الحال لکھنے پڑھنے پر توجہ ہے اور کاروبار کر رہا ہوں، اگلے چند ماہ تک سیاست میں انٹری کا کوئی ارادہ نہیں، الیکشن میں بھی حصہ لینے کا کوئی ارادہ نہیں۔انہوں نے کہا کہ ملک میں آج گندم سستی ہوگئی، چیزیں بہتر ہورہی ہیں، مشکل وقت گزر گیا، امید ہے کہ بہتری آئے گی، دنیا بھی نہیں چاہتی کہ ہم ڈیفالٹ کریں، دنیا بھر میں گندم اور خام تیل کی قیمتوں میں کمی آئی ہے۔
حکومت کو کچھ مشکل فیصلے لینے پڑیں گے، ہمیں پالیسیوں کے تسلسل کی ضرورت ہے، اسمگلنگ روکی جائے اور ایکسپورٹ پر توجہ دی جائے۔سابق وزیر خزانہ نے مزید کہا کہ ہر جماعت میں ایسے لوگ ہیں جو نجکاری کے خلاف ہیں، سٹیل مل 8 سال سے بند ہے، تنخواہیں آج بھی جا رہی ہیں۔
