دبئی پولیس نے رمضان سے پہلے بھکاریوں کے خلاف مہم شروع کردی، وارننگ جاری

دبئی(رم نیوز )دبئی پولیس نے رمضان سے پہلے بھیک مانگنے والوں کے خلاف مہم شروع کردی ہے۔ بھکاریوں کو بھاری جرمانوں کے ساتھ وارننگ جاری کی گئی ہے۔ رمضان سے پہلے دبئی میں پولیس نے دوٹوک الفاظ میں کہا کہ پکڑے جانے والے بھکاریوں کو بھاری سزا بھگتنی پڑسکتی ہے۔عرب میڈیا رپورٹ کے مطابق پولیس نے دوٹوک کہہ دیا بھکاریوں کو پانچ لاکھ درہم تک جرمانہ اور جیل کی سزا بھگتنی پڑ سکتی ہے۔

دبئی حکام کا کہنا ہے بھیک مانگنے و الوں کو کم از کم 5 ہزار درہم جرمانہ اور 3 ماہ تک قید کی سزا ہوگی جبکہ بیرون ملک سے لوگوں کو بلا کر بھیک مانگنے والوں کو ایک لاکھ درہم تک جرمانہ اور 6 ماہ کی سزا ہوسکتی ہے۔