بیجنگ(رم نیوز)ٹک ٹاک کی جانب سے ایک نئے فیچر سٹریکس کی آزمائش کی جا رہی ہے جو سنیپ چیٹ کے ایک فیچر سے ملتا جلتا ہے۔ویڈیو شیئرنگ ایپ کی جانب سے اس فیچر کی آزمائش کی تصدیق کی گئی ہے۔

کمپنی کے مطابق محدود صارفین میں اس فیچر کی آزمائش کی جا رہی ہے مگر زیادہ تفصیلات نہیں بتائی گئیں، اس فیچر کا بنیادی مقصد یہ ہے کہ صارفین ٹک ٹاک میں زیادہ وقت گزاریں اور انگیج منٹ بڑھے،اس فیچر کے اصول کافی سادہ ہیں،آپ کو کسی ٹک ٹاک صارف کو 3 سے زائد دنوں تک مسلسل ڈائریکٹ میسجز بھیجنا ہوں گے۔

کمپنی کا مزید کہنا تھا کہ جب آپ ایسا کرلیں گے تو آپ کو ایک سٹریک بیج ملے گا جو چیٹ میں ڈسپلے ہوگا جس کے ساتھ سٹریک ڈیز کی تعداد ہوگی،اگر کسی چیٹ میں 24 گھنٹے کے اندر کوئی میسج نہیں بھیجا گیا تو سٹریک کا اختتام ہو جائے گا، البتہ اس سے قبل ٹک ٹاک کی جانب سے صارفین کو آگاہ کیا جائے گا۔