بارباڈوس(رم نیوز)کون ہوگا ٹی 20 کا نیا چیمپئن؟ فیصلہ آج ہوگا۔ آئی سی سی ٹی20 ورلڈکپ 2024 کا فائنل معرکہ آج بھارت اور جنوبی افریقہ کے مابین ہوگا۔بھارت اور جنوبی افریقہ کے درمیان ایونٹ کا فائنل آج بارباڈوس میں پاکستانی وقت کے مطابق شام 7:30 بجے شروع ہو گا، آئی سی سی ٹی 20ورلڈ کپ کی تاریخ میں پہلی مرتبہ ایونٹ کی 2ناقابل شکست ٹیمیں فائنل میں مد مقابل ہوں گی۔

ٹی 20 ورلڈ کپ 2024 کے فائنل میں کامیاب ہونے کے بعد ناقابل شکست رہتے ہوئے دوسری ناقابل شکست ٹیم کو ہرا کر ٹورنامنٹ جیتنے والی دنیا کی پہلی ٹیم بن جائے گی۔دوسری جانب فائنل معرکے کے دوران بارش بھی اپنا رنگ جمانے کیلئے تیار ہے، بارباڈوس میں ہفتے اور اتوار کو بارش کی پیش گوئی کی گئی ہے۔بارباڈوس میں صبح سے شام 6 بجے تک بارش کی پیش گوئی ہے جبکہ ورلڈ کپ کے فائنل میچ کے لیے اتوار کو ریزرو ڈے بھی رکھا گیا ہے، اس دن بھی بارباڈوس میں بارش کا امکان ہے، اتوار کو صبح 11 سے شام 5 بجے کے درمیان بارش کا امکان ہے۔