کراچی(رم نیوز) پاکستان اور بنگلہ دیش کے درمیان دوسرے ٹیسٹ میچ میں بنگلہ دیش نے پاکستان کے خلاف ٹاس جیت کر فیلڈنگ کا فیصلہ کیا ہے۔ پاکستان نے اس ٹیسٹ میں دو تبدیلیاں کی ہیں۔

پاکستان اور بنگلہ دیش کے درمیان ہونے والے دوسرے ٹیسٹ میچ کا پہلا دن بارش کی نذر ہوگیاتھا۔ پنڈی کرکٹ سٹیڈیم کے اطراف بارش کا سلسلہ جاری تھا جس کے نتیجے میں پاکستان اور بنگلا دیش کے درمیان دوسرے ٹیسٹ میچ کا ٹاس بھی نہ ہو سکا۔

دونوں ٹیموں کے درمیان دوسرے ٹیسٹ میچ کے پہلے روز کا کھیل مسلسل بارش اور گیلی آؤٹ فیلڈ کے باعث ختم کر دیا گیا، امپائرز نے گیلی آؤٹ فیلڈ کے باعث پہلے روز کا کھیل ختم کرنے کا اعلان کیاتھا۔واضح رہے کہ دونوں ٹیموں کے درمیان دوسرا ٹیسٹ میچ آج سے راولپنڈی کرکٹ سٹیڈیم میں شروع ہو گا، پہلے میچ میں بنگال ٹائیگرز نے پاکستان کو 10 وکٹوں سے تاریخی شکست دی تھی۔