لاہور(رم نیوز)پنجاب پولیس کی ایس ایس پی رفعت بخاری کاعالمی اعزازحاصل کر لیا۔ انٹرنیشنل ایسوسی ایشن آف ویمن پولیس کی جانب سے ایس ایس پی رفعت بخاری کو شاندار خدمات پر عالمی ایوارڈ سے نوازا گیا ہے۔

ترجمان پنجاب پولیس کے مطابق ایس ایس پی رفعت بخاری اس وقت پنجاب سیف سٹیز میں خدمات سر انجام دے رہی ہیں، یہ ایوارڈ دنیا بھر سے ہر سال ایک خاتون پولیس آفیسر کو غیر معمولی خدمات کے اعتراف میں دیا جاتا ہے۔رفعت بخاری کو خواتین کے تحفظ، اے آئی روڈ سیفٹی میکنزم اور انٹیلیجنٹ ٹریفک مینجمنٹ کی تیاری پر ایوارڈ کا حقدار ٹھہرایا گیا۔

انٹرنیشنل ایسوسی ایشن آف ویمن پولیس نے پنجاب پولیس کی خاتون افسر ایس ایس پی رفعت بخاری کو امریکا کے شہر شکاگو میں منعقد ہونے والی 61 ویں سالانہ کانفرنس میں عالمی ایوارڈ سے نوازا گیا۔