اسلام آباد(رم نیوز)رہنما تحریک انصاف لطیف کھوسہ کا کہنا ہے کہ میرا سیاسی تجزیہ ہے بانی پی ٹی آئی نومبر میں رہا ہو جائیں گے۔ رہنما تحریک انصاف لطیف کھوسہ نے نجی ٹی وی پر گفتگو میں کہاکہ میرا سیاسی تجزیہ ہے بانی پی ٹی آئی نومبر میں رہا ہو جائیں گے۔

بشری ٰ بی ی کی ضمانت کے متعلق گفتگو کرتے ہوئے رہنما تحریک انصاف کا کہنا تھا کہ نوماہ بعد بشریٰ بی بی کی ضمانت ہوئی ہیں، توشہ خانہ کی گھڑیوں سےعمران خان کی اہلیہ کا کوئی تعلق نہیں تھا۔

جوڈیشل کمیشن کی تشکیل کے متعلق اظہار خیال کرتے ہوئے لطیف کھوسہ کا کہنا تھا کہ ہم نے حکومت کو کسی صورت خالی میدان نہیں دینا، جوڈیشل کمیشن میں شمولیت کا فیصلہ ابھی حتمی نہیں ہوا۔انہوں نے اتحادی حکومت ہر تنقید کے نشتر چلاتے ہوئے کہا کہ موجودہ اسمبلی فارم47 کی پیداوار ہے، ترمیم کے دوران اخترمینگل اپنے سینیٹرزڈھونڈتے رہے۔

انہوں نے کہا کہ پارٹی مشکل وقت سے نکل آئی ہے، بشریٰ بی بی بہت زیادہ سیاسی بصیرت رکھتی ہیں، میری نظرمیں بشریٰ بی بی کو فوکل پرسن بنانا چاہیے، یہ میری ذاتی رائے ہے فیصلہ بانی پی ٹی آئی نے کرنا ہے۔ بانی پی ٹی آئی موروثی سیاست کےحق میں نہیں ہیں۔