واشنگٹن (رم نیوز)ڈونلڈ ٹرمپ امریکی صدارتی الیکشن جیت گئے ہیں۔ڈونلڈ ٹرمپ نے 277 الیکٹورل ووٹ حاصل کرلیے ہیں۔ امریکی میڈیا کے مطابق ڈونلڈ ٹرمپ دوسری بار امریکہ کے صدر بن گئے ہیں۔ امریکیوں نے ڈونلڈ ٹرمپ کے حق میں فیصلہ سنادیا ہے۔ وائٹ ہائوس کے باہر ٹرمپ کے حامیوں کی بڑی تعداد موجود ہے جو ڈونلڈ ٹرمپ کی جیت کا جشن منارہی ہے۔ ک سی بھی امیدوار کو جیت کیلئے 538 میں سے 270 الیکٹورل ووٹ درکار ہوتے ہیں۔

امریکی میڈیا کے مطابق انڈیانا، کینٹکی، ریاست اولکاباما، جنوبی کیرولینا، ریاست مسیسپی میں ری پبلکن صدارتی امیدوار ڈونلڈ ٹرمپ کامیاب ہو گئے، ویسٹ ورجینیا میں بھی ری پبلکن امیدوار ڈونلڈ ٹرمپ کامیاب ہوئے، کملا ہیرس ورمونٹ میں کامیاب ہوگئیں، ورمونٹ میں کملاہیرس نے 3 ہزار 77 ووٹ حاصل کئے، ڈونلڈ ٹرمپ کو ورمونٹ میں2561 ووٹ ملے۔تاہم قبل از وقت پولنگ اور ای میل ووٹنگ کے ذریعے تقریباً 8 کروڑ سے زائد ووٹرز حقِ رائے دہی استعمال کرچکے ہیں۔

واضح رہے کہ 5 نومبر کے باقاعدہ الیکشن سے پہلے تقریباً آٹھ کروڑ سے زائد شہری ووٹ ڈال چکے ہیں، باقی ووٹرز آج اپنے پسندیدہ امیدوار کا چناؤ کر رہے ہیں، کسی بھی امیدوار کو جیت کیلئے 538 میں سے 270 الیکٹورل ووٹ درکار ہیں، 435 ارکان نمائندگان، 33 سینیٹرز اور 13 ریاستوں کے گورنرز کا بھی چناؤ ہو گا۔