اسلام آباد(رم نیوز)پاکستانی ٹیلی کمیونیکیشن اتھارٹی (پی ٹی اے) نے وی پی این رجسٹریشن کے عمل کے لیے حکومت سے مزید مہلت کی درخواست کی ہے۔ پی ٹی اے کے ذرائع کے مطابق، روزانہ تقریباً 200 وی پی این رجسٹر ہو رہے ہیں، تاہم موجودہ ڈیڈ لائن 30 نومبر تک ہے۔ پی ٹی اے نے کہا ہے کہ حکومت نئی ڈیڈ لائن کا اعلان کر سکتی ہے تاکہ رجسٹریشن کا عمل مزید بہتر طریقے سے مکمل ہو سکے۔

پی ٹی اے کے ذرائع کا کہنا ہے کہ ادارہ اس وقت مختلف اسٹیک ہولڈرز کے ساتھ مشاورت میں مصروف ہے اور زیادہ سے زیادہ وی پی این رجسٹریشن کے لیے ڈیڈ لائن میں توسیع کرنا ضروری ہو گیا ہے۔ اس کے ساتھ ہی، پی ٹی اے وی پی این رجسٹریشن کے عمل کو آسان بنانے کے لیے بھی اقدامات کر رہا ہے۔ پی ٹی اے نے پہلے ہی اعلان کیا ہے کہ جو وی پی این رجسٹر نہیں ہوں گے، وہ دسمبر سے بند کر دیے جائیں گے۔

پی ٹی اے نے یہ بھی بتایا کہ سوفٹ ویئر ہاؤسز، کال سینٹرز، بینک، سفارت خانے اور فری لانسر پی ٹی اے کی آفیشل ویب سائٹ کے ذریعے اپنے وی پی این رجسٹر کروا سکتے ہیں۔