لاہور(رم نیوز)ملک کے مختلف شہروں میں سردی کی شدت برقرار ہے، اور برفباری کی وجہ سے درجہ حرارت منفی 11 تک گر چکا ہے۔ اسلام آباد میں درجہ حرارت منفی ایک ڈگری ریکارڈ کیا گیا، جبکہ لہہ میں کم سے کم درجہ حرارت منفی 11 ریکارڈ کیا گیا۔ سکردو میں درجہ حرارت منفی 9، زیارت میں منفی 8، کوئٹہ اور گلگت بلتستان میں منفی 7، اور ستور و دالبندین میں منفی 6 تک جا پہنچا ہے۔

دوسری طرف، ملک کے مختلف شہروں میں دھند کی صورتحال بھی برقرار ہے، جس کی وجہ سے کئی موٹر ویز بند کر دی گئی ہیں۔ موٹروے ایم ون برہان انٹرچینج سے پشاور تک، ایم 2 ٹھوکر نیاز بیگ سے خانقاہ ڈوگراں تک، ایم 3 فیض پور سے رجانہ تک، اور ایم 11 محمود بوٹی سے سمبڑیال تک دھند کی وجہ سے بند کر دی گئی ہیں۔ موٹر وے پولیس نے شہریوں کو غیر ضروری سفر سے اجتناب کرنے کی ہدایت کی ہے۔