لندن(رم نیوز)برطانیہ میں شدید برف باری اور بارش کی وجہ سے بڑے نقصانات کا الرٹ جاری کر دیا گیا ہے۔

میٹ آفس کے مطابق، لندن کی سڑکوں پر شدید ٹریفک جام کی صورتحال پیدا ہو گئی ہے، اور ریلوے اور فضائی سفر میں تاخیر یا منسوخی کا خدشہ ہے۔ مزید 30 سینٹی میٹر تک برف باری کی پیش گوئی کی گئی ہے، جس سے دیہی علاقوں میں بجلی کی فراہمی میں خلل آنے کا امکان ہے۔

میٹ آفس نے خبردار کیا ہے کہ سکاٹ لینڈ کے دیہی علاقوں میں درجہ حرارت منفی 10 ڈگری تک جا سکتا ہے، جبکہ چیشائر اور سومر سیٹ میں درجہ حرارت منفی 5 ڈگری تک گر چکا ہے۔ برفانی حالات کی وجہ سے لنکن شائر میں ایک حادثے میں 7 ماہ کے بچے کی ہلاکت کی اطلاع بھی ملی ہے۔

جنوبی انگلینڈ کی مقامی کونسلز نے موسمی حالات کے پیش نظر ہنگامی اقدامات اٹھا لیے ہیں تاکہ شہریوں کی حفاظت کو یقینی بنایا جا سکے۔