لاہور(رم نیوز)چیمپئنز ٹرافی 2025 کے حوالے سے پاکستان کرکٹ بورڈ (پی سی بی) کا اہم اجلاس آج چیئرمین محسن نقوی کی زیر صدارت ہو گا۔

اجلاس میں پی سی بی کے چیف آپریٹنگ آفیسر سمیر احمد سید، پی ایس ایل کے چیف ایگزیکٹو آفیسر سلمان نصیر اور دیگر ڈپارٹمنٹس کے ڈائریکٹرز شریک ہوں گے۔ اس اجلاس میں چیمپئنز ٹرافی 2025 کے لیے اہم فیصلے کیے جائیں گے، اور پی ایس ایل سیزن 10 کی پلیئرز ڈرافٹنگ سمیت دیگر اہم معاملات پر بھی گفتگو کی جائے گی۔

آئی سی سی کی جانب سے چیمپئنز ٹرافی کے لیے لاہور میں سب آفیس قائم کرنے کا فیصلہ کیا گیا ہے، جب کہ پی سی بی اس ٹورنامنٹ کی تیاریوں کے لیے کمیٹیاں تشکیل دے گا۔ آئی سی سی نے پی سی بی کے چیف آپریٹنگ آفیسر سمیر احمد سید کو چیمپئنز ٹرافی 2025 کا ڈائریکٹر ٹورنامنٹ مقرر کیا ہے۔