کنساس(رم نیوز)امریکہ کی ریاستیں کنساس اور میسوری برفانی طوفان کی شدت سے سب سے زیادہ متاثر ہیں، جہاں غیر معمولی برف باری اور درجہ حرارت میں شدید کمی دیکھنے کو ملی ہے۔ گزشتہ دہائی کا سرد ترین موسم ریکارڈ کیا گیا ہے۔

امریکی محکمہ موسمیات کے مطابق، ملک کے وسطی علاقے سے مشرقی ساحل تک تقریباً 30 ریاستوں میں سنگین موسمی حالات متوقع ہیں۔ واشنگٹن ڈی سی، فلاڈیلفیا اور دیگر بڑے شہروں میں بھی شدید برف باری کی پیش گوئی کی جا رہی ہے۔

اس دوران، برفانی طوفان کے باعث متعدد حادثات کی رپورٹس موصول ہوئی ہیں، اور متاثرہ علاقوں میں ٹریفک کی روانی متاثر ہو رہی ہے۔ حکام نے عوام سے احتیاطی تدابیر اختیار کرنے کی اپیل کی ہے اور غیر ضروری سفر سے گریز کرنے کا مشورہ دیا ہے۔