پشاور(رم نیوز)صوبائی مشیر اطلاعات بیرسٹر سیف نے مریم نواز کی جانب سے بانی پی ٹی آئی بننے کی ناکام کوششوں پر ردعمل دیتے ہوئے کہا کہ شریف خاندان کی توجہ مسلسل بانی پی ٹی آئی پر مرکوز ہے، اور یہ بات ان کے اعصاب پر سوار ہو چکی ہے۔
انہوں نے مریم نواز کو مشورہ دیا کہ وہ بانی پی ٹی آئی بننے کے بجائے عوامی مسائل پر توجہ دیں، کیونکہ پنجاب کا پیسہ عوام کی فلاح و بہبود کی بجائے لندن منتقل ہو رہا ہے، جبکہ خیبر پختونخوا میں عوام کے وسائل عوامی ترقی کے لیے خرچ کیے جا رہے ہیں۔
بیرسٹر سیف نے وزیراعلیٰ علی امین گنڈاپور کی قیادت میں خیبر پختونخوا کو پہلا صوبہ قرار دیا جو اپنے قرضوں کو اتارنے میں کامیاب ہوا۔ ان کا کہنا تھا کہ اگر کسی رہنما کا علاج لندن میں ہو، تو وہ عوام کی خدمت کیسے کر سکتا ہے؟
انہوں نے مزید کہا کہ چچا اور بھتیجی دونوں وفاقی اور صوبائی خزانے کو لوٹنے میں مصروف ہیں، اور شریف خاندان کے منی لانڈرنگ کے قصے زبان زد عام ہیں۔ ان کا یہ بھی کہنا تھا کہ حکومت نے نہ صرف کرپشن بلکہ لاقانونیت کو بھی فروغ دیا ہے۔
