ممبئی(رم نیوز)بالی ووڈ اداکار سیف علی خان کے گھر میں ڈکیتی کی کوشش کے دوران مزاحمت کرنے پر وہ زخمی ہو گئے اور انہیں فوراً ہسپتال منتقل کر دیا گیا۔میڈیا رپورٹس کے مطابق، یہ واقعہ ممبئی کے علاقے باندرا میں سیف علی خان کے گھر صبح کے وقت پیش آیا۔ بھارتی میڈیا کے مطابق ایک نامعلوم شخص نے چوری کی نیت سے اداکار کے گھر میں گھسنے کی کوشش کی، جس دوران سیف علی خان پر چھری سے حملہ کیا گیا۔

رپورٹس کے مطابق، چور سیف علی خان کے گھر میں داخل ہونے میں کامیاب ہو گیا تھا، لیکن اداکار نے اس کی مزاحمت کی، جس کے نتیجے میں وہ زخمی ہو گئے۔ واقعے کے بعد سیف علی خان کے مداحوں میں تشویش اور غم و غصہ پایا جا رہا ہے۔