پشاور(رم نیوز)پشاور ہائیکورٹ میں 10 نئے ایڈیشنل ججز نے اپنے عہدوں کا حلف اٹھا لیا۔ چیف جسٹس اشتیاق ابراہیم نے حلف برداری کی تقریب کی قیادت کی، جس میں ہائیکورٹ کے ججز، ماتحت عدلیہ کے ججز اور وکلا کی بڑی تعداد نے شرکت کی۔

نئے ججز نے آج سے اپنے فرائض کا آغاز کر دیا ہے اور مقدمات کی سماعت شروع کر دی ہے۔ پشاور ہائیکورٹ میں چھ ڈویژنل بینچز میں چھ نئے ججز کو شامل کیا گیا ہے، جبکہ چار ججز کو سنگل بینچ کی ذمہ داری دی گئی ہے۔

چیف جسٹس اشتیاق ابراہیم کے ساتھ جسٹس عبد الفیاض کو ڈویژنل بینچ میں شامل کیا گیا، جبکہ سنگل بینچز میں جسٹس محمد طارق آفریدی، جسٹس صادق علی، جسٹس اورنگزیب اور جسٹس قاضی جواد احسان اللہ قریشی کو ذمہ داری سونپی گئی ہے۔