اسلام آباد(رم نیوز)اسلام آباد ہائیکورٹ میں آج اور کل دو ججز کی چھٹی کے باعث اہم کیسز کی سماعت ملتوی کر دی گئی ہے۔ جسٹس طارق محمود جہانگیری اور جسٹس بابر ستار دونوں دو دن کی چھٹی پر ہیں، جس کے نتیجے میں آج اور کل کے لیے مختص کیسز کی کاز لسٹ منسوخ کر دی گئی ہے۔

اس کے علاوہ، اسلام آباد پولیس اور مقامی محکموں میں دوسرے صوبوں سے بھرتیوں کے حوالے سے کیس کی کاز لسٹ بھی منسوخ کی گئی۔ جسٹس بابر ستار کی غیر موجودگی کی وجہ سے لارجر بینچ کی کاز لسٹ بھی منسوخ کر دی گئی ہے۔یاد رہے کہ اسلام آباد ہائیکورٹ کے لارجر بینچ نے اسلام آباد پولیس میں بھرتیوں کے نتائج روکنے کے حکم میں آج 6 فروری تک توسیع دی تھی اور اٹارنی جنرل کو معاونت کے لیے آج طلب کیا تھا۔ اس کیس کی سماعت جسٹس محسن اختر کیانی، جسٹس بابر ستار اور جسٹس سردار اعجاز اسحاق خان پر مشتمل بنچ کو کرنی تھی