لاہور(رم نیوز)آئی سی سی چیمپیئنز ٹرافی 2025 کے چار میچز کے ٹکٹس آج سے تیسرے مرحلے میں فروخت کے لیے دستیاب ہوں گے۔ پاکستان کرکٹ بورڈ (پی سی بی) کے مطابق، آج پاکستان میں ہونے والے میچز کے فزیکل اور آن لائن ٹکٹس فروخت کے لیے پیش کیے جائیں گے۔

آج پاکستان بمقابلہ نیوزی لینڈ، انگلینڈ بمقابلہ آسٹریلیا، پاکستان بمقابلہ بنگلہ دیش اور دوسرے سیمی فائنل کے میچز کے ٹکٹس دستیاب ہوں گے۔پی سی بی کا کہنا ہے کہ مزید ٹکٹس فروخت کرنے کا مقصد زیادہ سے زیادہ شائقین کو میچز دیکھنے کا موقع فراہم کرنا ہے۔ تاہم، تیسرے اور آخری مرحلے کے بعد ٹکٹس کی فراہمی ممکن نہیں ہوگی، اس لیے شائقین کو جلدی خریداری کی ترغیب دی گئی ہے۔