واشنگٹن (رم نیوز)امریکی عدالت نے ٹرمپ انتظامیہ کو یو ایس ایڈ بند کرنے سے عارضی طور پر روک دیا ہے۔سرکاری ملازمین کی یونین کی درخواست پر ڈسٹرکٹ آف کولمبیا کے جج کارل نکولس نے ٹرمپ انتظامیہ کو یو ایس ایڈ کی بندش اور 2200 ملازمین کو جبری رخصت پر بھیجنے پر عارضی پابندی لگا دی۔ جج کارل نکولس کو صدر ٹرمپ نے 2009 میں تعینات کیا تھا۔

یونین کے وکلا نے اس اقدام کو اختیارات سے تجاوز قرار دیتے ہوئے عدالت میں موقف اپنایا کہ ٹرمپ نے اس فیصلے کے لیے کانگریس سے اجازت نہیں لی تھی۔ یونین کا کہنا تھا کہ ٹرمپ کا یو ایس ایڈ کی بندش کا فیصلہ غیر آئینی اور غیر قانونی ہے۔

یاد رہے کہ امریکی صدر ٹرمپ نے 20 جنوری کو عہدہ سنبھالنے کے فوراً بعد امریکی بیرونی امداد پر پابندی عائد کرنے کا حکم دیا تھا، جس کے بعد یو ایس ایڈ کے تقریباً تمام عملے کو فارغ کرنے کا منصوبہ تھا۔ عملے کو بھیجے گئے نوٹس میں 10 ہزار ارکان کو فارغ کرنے کی بات کی گئی تھی