اسلام آباد(رم نیوز)سابق ڈیموکریٹک کانگریس وومن تلسی گبارڈ کو امریکی نیشنل انٹیلی جنس ڈائریکٹر کے طور پر مقرر کر دیا گیا ہے۔غیر ملکی میڈیا کے مطابق، امریکی سینیٹ نے تلسی گبارڈ کی تقرری کی منظوری 52 کے مقابلے میں 48 ووٹوں سے دی، جب کہ ایک ریپبلکن سینیٹر نے ان کے خلاف ووٹ دیا۔ تلسی گبارڈ نے بدھ کے روز اوول آفس میں نیشنل انٹیلی جنس ڈائریکٹر کے طور پر حلف اٹھایا۔

حلف برداری کی تقریب میں تلسی گبارڈ نے کہا کہ انٹیلی جنس کو دوبارہ قومی سلامتی پر مرکوز کیا جائے گا۔تلسی گبارڈ امریکی فوج میں لیفٹیننٹ کرنل کے طور پر بھی خدمات سرانجام دے چکی ہیں اور مشرق وسطیٰ و افریقہ میں بھی تعینات رہ چکی ہیں۔ نیشنل انٹیلی جنس ڈائریکٹر کے طور پر، وہ 18 انٹیلی جنس ایجنسیوں بشمول سی آئی اے اور ایف بی آئی کی نگرانی کریں گی۔