اسلام آباد (رم نیوز) وزارت داخلہ نے غیر قانونی طور پر مقیم غیر ملکیوں اور افغان سٹیزن کارڈ ہولڈرز کو پاکستان چھوڑنے کے لیے 31 مارچ تک کی ڈیڈ لائن دے دی ہے۔وزارت داخلہ کے مطابق، ان غیر قانونی افراد کو یکم اپریل سے ملک بدری کا عمل شروع کر دیا جائے گا۔ واپس جانے والے غیر ملکیوں کے ساتھ حسن سلوک کیا جائے گا اور ان کے لیے خوراک اور صحت کی دیکھ بھال کے انتظامات بھی کیے جائیں گے۔

پاکستان نے افغان مہاجرین کے لیے ہمیشہ ایک مہربان میزبان کا کردار ادا کیا ہے اور اس بار بھی وہ اپنے وعدے کے مطابق ذمہ داری نبھا رہا ہے۔ وزارت داخلہ نے کہا کہ پاکستان میں مقیم غیر ملکیوں کو ملکی قوانین کی پاسداری کرنا ہوگی اور انہیں پاکستان کے آئین کی پیروی کرنا ہوگی