اسلام آباد (رم نیوز) سپریم کورٹ میں سپر ٹیکس کیس کی سماعت کرنے والا آئینی بینچ ٹوٹ گیا۔ جسٹس امین الدین خان کی سربراہی میں پانچ رکنی بینچ نے کیس کی سماعت شروع کی، لیکن دوران سماعت جسٹس امین الدین خان نے ریمارکس دیے کہ جسٹس عامر فاروق اسلام آباد ہائیکورٹ میں اس معاملے پر فیصلہ دے چکے ہیں، لہٰذا وہ کیس کی سماعت نہیں کر سکتے۔

کمپنی کے وکلا نے درخواست کی تھی کہ کیس کی سماعت عید الفطر کے بعد کی جائے، تاہم عدالت نے ان کی درخواست مسترد کرتے ہوئے کیس کی روزانہ کی بنیاد پر سماعت کرنے کا فیصلہ کیا۔جسٹس محمد علی مظہر نے بیرسٹر فروغ نسیم سے کہا کہ "عید تک کیس مکمل نہیں ہوگا، اس لیے جو کیس چلانا چاہتے ہیں انہیں کیس چلانے دیں تاکہ سماعت کا عمل شروع ہو سکے۔عدالت نے فریقین کو وکلا کی خدمات حاصل کرنے کے لیے مزید مہلت دی اور کیس کی سماعت کل تک ملتوی کر دی۔