لاہور(رم نیوز) پاکستان تحریک انصاف (پی ٹی آئی) نے 22 مارچ کو لاہور میں مینار پاکستان پر جلسہ کرنے کی اجازت کے لیے لاہور ہائیکورٹ سے رجوع کر لیا ہے۔ پی ٹی آئی رہنما اکمل خان باری کی جانب سے دائر کی گئی درخواست میں چیف سیکرٹری پنجاب، ڈپٹی کمشنر لاہور اور دیگر حکام کو فریق بنایا گیا ہے۔

درخواست میں کہا گیا ہے کہ پی ٹی آئی 22 مارچ کو شام 8 بجے سے رات 12 بجے تک جلسہ منعقد کرنا چاہتی ہے، تاہم ضلعی انتظامیہ ابھی تک اس درخواست پر کوئی فیصلہ نہیں کر سکی۔ پی ٹی آئی نے موقف اختیار کیا ہے کہ آئین کے تحت جلسہ اور ریلی کا حق دیا گیا ہے ۔

درخواست میں عدالت سے استدعا کی گئی ہے کہ وہ ڈپٹی کمشنر لاہور اور دیگر حکام کو جلسے کی اجازت دینے کے لیے فوری فیصلہ کرنے کا حکم دے۔