لندن(رم نیوز) یارکشائر کے ساحل سے دور شمالی سمندر میں ایک خوفناک حادثہ پیش آیا، جس میں امریکی پرچم بردار آئل ٹینکر اور پرتگالی پرچم والا کنٹینرز سے لدا بحری جہاز آپس میں ٹکرا گئے، جس کے نتیجے میں 32 افراد ہلاک ہو گئے۔

برطانوی میڈیا کے مطابق یہ حادثہ شمال مشرقی قصبے ویڈرنسی کے قریب ہمبر ایسٹوری میں صبح 10 بجے کے قریب پیش آیا۔ حادثے میں ملوث آئل ٹینکر کا نام اسٹینا امیکولیٹ تھا، جب کہ پرتگالی بحری جہاز کا نام سولونگ تھا۔

حادثے کی اطلاع ملتے ہی فوری طور پر ریسکیو ٹیمیں جائے وقوعہ پر روانہ کر دی گئیں، جن میں لائف بوٹس اور ایک کوسٹ گارڈ ہیلی کاپٹر بھی شامل تھے۔ امدادی کارروائیوں کے دوران حادثے کی جگہ سے 32 لاشیں ملیں، جن کی شناخت کا عمل جاری ہے۔ اس کے علاوہ، کچھ زخمیوں کو قریبی ہسپتال منتقل کیا گیا ہے۔

آئل ٹینکر اسٹینا امیکولیٹ کی مالک کمپنی نے تصدیق کی کہ ان کے تمام عملے کے افراد محفوظ ہیں، تاہم انہوں نے حادثے کی وجہ یا نوعیت پر کوئی تبصرہ نہیں کیا۔ دوسری طرف، سولونگ جہاز کے مالک ادارے کی طرف سے ابھی تک کوئی بیان جاری نہیں کیا گیا۔