لاہور(رم نیوز)آزاد کشمیر کی وادی نیلم میں وقفے وقفے سے بارش اور برفباری کا سلسلہ جاری ہے، جس کے باعث سردی کی شدت میں مزید اضافہ ہوگیا ہے۔کوئٹہ، نوشکی اور ژوب میں بھی بارشوں نے موسم کو سرد کر دیا ہے، جبکہ خیبرپختونخوا کے مختلف علاقوں میں بھی بادل برسنے کی وجہ سے سردی بڑھ گئی ہے۔ شگر میں بھی بارش اور برفباری کا سلسلہ جاری ہے۔محکمہ موسمیات نے خبردار کیا ہے کہ بالائی اور پہاڑی علاقوں میں لینڈ سلائیڈنگ کا خطرہ بڑھ گیا ہے، جس کے پیش نظر ان علاقوں میں احتیاط کی ضرورت ہے۔