اسلام آباد(رم نیوز) ڈسٹرکٹ اینڈ سیشن کورٹ اسلام آباد نے شراب اور اسلحہ برآمدگی کیس میں وزیراعلیٰ خیبرپختونخوا علی امین گنڈاپور کے وارنٹ گرفتاری برقرار رکھے ہیں۔جوڈیشل مجسٹریٹ مبشر حسن چشتی کی زیرِ صدارت کیس کی سماعت ہوئی، تاہم علی امین گنڈاپور اور ان کے وکیل عدالت میں پیش نہیں ہوئے۔

پولیس کی طرف سے وارنٹ گرفتاری کے حوالے سے رپورٹ بھی عدالت میں جمع نہیں کرائی جا سکی۔عدالت نے علی امین گنڈاپور کے وارنٹ گرفتاری برقرار رکھتے ہوئے کیس کی سماعت 7 اپریل تک ملتوی کر دی۔یاد رہے کہ علی امین گنڈاپور کے خلاف تھانہ بھارہ کہو میں مقدمہ درج ہے۔