ویلنگٹن(رم نیوز) نیوزی لینڈ نے پاکستان کے خلاف آخری ٹی ٹوئنٹی میچ میں ٹاس جیت کر فیلڈنگ کا فیصلہ کیا. کیویز کو جیت کے لیے 129 رنز کا ہدف درکار ہے۔ویلنگٹن ریجنل سٹیڈیم میں کھیلے جا رہے اس میچ میں پاکستانی اوپنرز شروع سے ہی مشکلات کا شکار رہے۔ حسن نواز صفر پر پویلین لوٹ گئے، جبکہ محمد حارث نے 11 رنز بنائے اور وہ بھی جلد ہی آؤٹ ہو گئے۔ اس کے بعد عمیر بن یوسف اور عثمان خان دونوں 7،7 رنز پر چلتے بنے، جبکہ عبدالصمد 4 رنز بنا کر پویلین واپس لوٹ گئے۔کپتان سلمان علی آغا51 سکور بنا کر نمایاں بیٹر رہے۔

نیوزی لینڈ کے جیمز نیشم نے شاندار بولنگ کا مظاہرہ کرتے ہوئے پاکستانی بیٹنگ لائن کو بے بس کر دیا۔ پاکستانی ٹیم میں کئی تبدیلیاں کی گئیں، فاسٹ بولر شاہین شاہ آفریدی کو ڈراپ کیا گیا اور عمیر بن یوسف، عثمان خان، جہانداد خان، سفیان مقیم، اور محمد علی کو ٹیم میں شامل کیا گیا۔ اس کے علاوہ کپتان سلمان علی آغا، شاداب خان اور حارث رؤف بھی ٹیم کا حصہ ہیں۔